"მეფე არტურო" ბაიერნში რჩება
მაგრამ: ზაფხულში ბაიერნი შალკედან გერმანელ ნახევარმცველს, ლეონ გორეცკას სრულიად უსასყიდლოდ დაიმატებს.ეს ინფორმაცია ოფიციალურადაა დადასტურებული. ისმის კითხვა: რას იზამს ვიდალი? სუპერვარსკვლავს "წითლებთან" კონტრაქტი 2019 წლის ზაფხულამდე აკავშირებს. თუ ბაიერნი 2019 წლის ზაფხულამდე
ვიდალს გაყიდის, მომავალი ინვესტიციებისათვის კარგი თანხის მოგროვება შეეძლება.
ჰაინკესმა ასევე ისაუბრა არიენ რობენსა (33) და ფრენკ რიბერიზე (34). მათი კონტრაქტები მიმდინარე წლის ზაფხულში იწურება. ჰაინკესი: " მტკიცედ ვარ დარწმუნებული, რომ ისინი შეძლებენ კარგ დაბრუნებას. რა მოხდება შემდეგ, ეს უკვე არა ჩემი, არამედ კლუბის გადასაწყვეტია.
ბაიერნი პარასკევს (23:30 სთ.) ბუნდესლიგის ეგიდით ლევერკუზენს შეხვდება. ტრამვების გამო გუნდს რობერტ ლევანდოვსკი (29/მუხლის ტრამვა) და მატს ჰუმელსი (29/ადუქტორის ტრამვა) დააკლდებიან. ასევე საეჭვოა ჯოშუა კიმიხის (22) თამაშიც, რომელსაც ბარძაყის ტრამვა აწუხებს. გერმანიის ნაკრების მცველმა "ბილდს" განუცხადა: "სამშაბათიდან შემეძლება გუნდთან ერთად ვივარჯიშო, თუმცა არამგონია ეს ლევერკუზენის წინააღმდეგ სათამაშოდ საკმარისი აღმოჩნდეს."
სხვათაშორის: ბაიერნმა თავისი მოსამზადებელი წვრთნები კატარში ჩაატარა, სადაც ადგილობრივ "ალ აჰლისთან" ამხანაგური შეხვედრა გამართა და დიდი ანგარიშით (6-0) გაიმარჯვა. რობენისა და ახალწვეული სანდრო ვაგნერის (30) გარდა, მეტოქე კინგსლი კომანმა, ტოლისომ, ნიკოლას დორშმა და ზიულემ დაამწუხრეს. სამშაბათს (20:00 სთ.) ტესტ-მატჩში ბაიერნი ალიანს არენაზე მესამელიგელ "გროსასპახს" დაუხვდება.
Comments
Post a Comment